ДОРНОГОВЬ АЙМАГ ДАХЬ МЭРГЭЖЛИЙН СУРГАЛТ ҮЙЛДВЭРЛЭЛИЙН ТӨВ НЬ ХАБЭА САРЫН АЯНЫ НЭЭЛТЭЭ 2018 ОНЫ 03-Р САРЫН 30-НЫ ӨДӨР ЗОХИОН БАЙГУУЛЛАА.

ХАБЭА-Н САРЫН АЯНЫ ХҮРЭЭНД ДОРНОГОВЬ АЙМГИЙН ОНЦГОЙ БАЙДЛЫН ГАЗАРТАЙ ХАМТРАН НИЙТ СУРАЛЦАГЧДАД ТАРХАЛТЫН СУРГАЛТЫГ ЗОХИОН БАЙГУУЛАВ

Дэлгэрэнгүй..

Тус сургууль нь Дорноговь аймагт барилгын болон хөдөө аж ахуйн мэргэжилтэй ажилчид бэлтгэх хэрэгцээ шаардлагад үндэслэн Дорноговь аймгийн АДХГЗ-ны 1986 оны 10-р сарын 30-ны өдрийн 100 тоот тогтоолоор Улаанбаатар хотын Барилгын Техник Мэргэжлийн I сургуулийн салбар болон байгуулагдсан бөгөөд салбар сургуулийн анхны эрхлэгчээр Ж.Самданшарав, Багшаар З.Нацаг, Цогтбадрах нар ажиллаж байсан түүхтэй юм. Төлөвлөгөөт Эдийн Засгийн Улсын Хорооны 1989 оны 9 сарын 20-ны тогтоол, Ардын Боловсролын Яамны сайдын 1989 оны 07 сарын 15-ны 189 тоот тушаалаар тус салбар сургууль нь Барилга, ХАА-н биеэ даасан ТМС болон зохион байгуулагдаж захирлаар П.Батцэрэн томилогдсон бөгөөд улмаар тус сургууль нь 1992 онд БСШУЯ-ны харьяа Дорноговь аймаг дахь Мэргэжлийн Сургалт Үйлдвэрлэлийн Төв / /болсон ба 2012 оноос хойш Хөдөлмөрийн яаманд харьяалагдах болсон юм. Тус сургууль нь үүсэн байгуулагдсан цагаас хойшхи хугацаанд барилга, ХАА-н 20-иод мэргэжлээр 800 гаруй мэргэжилтэй боловсон хүчин бэлтгэсэн ба 1992 оноос МСҮТ болсоноор 14 төрлийн мэргэжлээр 2900 гаруй мэргэжилтэй боловсон хүчин бэлтгэсэн байна. Хөдөлмөр нийгмийн хамгааллын яамны харъяа Дорноговь аймаг дахь Мэргэжлийн сургалт үйлдвэрлэлийн төв нь Хоол үйлдвэрлэл нарийн боов, Оёмол бүтээгдэхүүний ёдолчин, Барилгын өрөг угсрагч, Гар урлал, Авто засвар ашиглалт, Барилгын цахилгаанчин, Барилгын засал чимэглэлч, Хүнд машины операторчин, зэрэг мэргэжилтэй боловсон хүчин бэлтгэж байна. Тус сургуулийн захирлаар 1997-2012 онд Л.Дэлгэрбат, 2012-2016 онд Б.Угтахбаяр нар ажиллаж байсан ба 2015 оноос Б.Адилбиш ажиллаж байна.

Мэдээлэл

Монголын багш нарын баярыг угтсан сарын аяны нээлтийн арга хэмжээ амжилттай болж өнгөрлөө. » Монголын багш нарын баярыг угтсан сарын аяны нээлтийн арга хэмжээ амжилттай болж өнгөрлөө.

ДОРНОГОВЬ АЙМАГ ДАХЬ МЭРГЭЖЛИЙН СУРГАЛТ ҮЙЛДВЭРЛЭЛИЙН ТӨВ НЬ ХАБЭА САРЫН АЯНЫ НЭЭЛТЭЭ 2018 ОНЫ 03-Р САРЫН 30-НЫ ӨДӨР ЗОХИОН БАЙГУУЛЛАА.

Сургуулийн захирал хатагтай Б.Адилбиш нээлтийн үеэр хэлсэн үгэндээ: Олон улсын хөдөлмөрийн байгууллагаас жил бүрийн 4 - р сарын 28-ныг “Ажлын байран дахь хөдөлмөрийн аюулгүй байдал, эрүүл ахуйн дэлхийн өдөр” болгосонтой холбогдуулан ХАБЭА сарын аяныг “НЭН ТҮРҮҮНД ХӨДӨЛМӨРИЙН АЮУЛГҮЙ БАЙДАЛ” нэртэйгээр жил бүрийн 4 сард уламжлал болгон 4 дахь жилдээ амжилттай зохион байгуулж байна.

Үйлдвэрлэл болон дадлагын байрны орчинд тоног төхөөрөмж дээр дадлага сургуулилт хийх явцад аюул эрсдэл байнга сүүдэр мэт дагаж байдгийг санаж, бид бүхэн алхам тутамдаа аюулгүй ажиллагааг чухалчлан мөрдөн ажиллаж, заавар зааварчилгаа өгч тогтмол хяналт тавьж ажилладаг юм.
Хөдөлмөрийн аюулгүй байдал, эрүүл ахуйн асуудал бол зөвхөн нэг сар яриад болих асуудал биш өдөр бүр цаг минут тутамд яригдаж байх чухал асуудал юм. Энэ нэг сарын хугацаа бол бидний ажлыг сайжруулах эрчимжүүлэх сар гэж ойлгож болно.
2017 онд манай сургууль дээр үйлдвэрлэлийн осол,хүнд бэртэл гэмтэл гараагүй бөгөөд бид ослыг гарсны дараа нь биш гарахаас нь өмнө урьдчилан сэргийлж, болзошгүй аюул эрсдэлийг урьдчилан илрүүлж зохих арга хэмжээг тухай бүрт нь авч ажиллаж байна.
Бурхан таныг сэлбэггүй бүтээсэн тул бие эрхтэнээ хайрлан хамгаалж яваарай хэмээн нийт багш ажилчид, оюутан суралцагсдад хандан хэлэв.
Нээлтийн үеэр суралцагчдын "Эрсдлийн үнэлгээний баг" - ийн ахлагч ХГД - 1А ангийн суралцагч:Ө.Нарангарав,
гишүүд: БЗЧ - 1А ангийн суралцагч:О.Доржсүрэн, ХГД - 1А ангийн суралцагч:С.Мөнхзул,ХГД - 1А ангийн суралцагч - Г.Дарьсүрэн, Гар урлал 1 А ангийн суралцагч: О.Сүндэрмаа нар "Зөв өргөлт , Компьютер дээр ажиллах үеийн зааварчилгаа" зөвлөгөө өгөв.Мөн Тогооч - 2А ангийн суралцагч: Саранцацрал ахлагчтай өсвөрийн эмч клубын суралцагчид "Сэхээн амилуулах " тухай зөвлөгөө өгөв. Нээлтийн арга хэмжээнд идэвхитэй оролцсон нийт багш ажилчид болон суралцагчиддаа баярлалаа.
ЭРҮҮЛ АЮУЛГҮЙН ТӨЛӨӨ ХАМТДАА.